Hreinsanir fram undan á Old Trafford

José Mourinho hefur um margt að hugsa þessa dagana.
José Mourinho hefur um margt að hugsa þessa dagana. AFP

Miklar hreinsanir eru fram undan hjá Manchester United en enskir fjölmiðlar tala um að allt að níu leikmenn gætu yfirgefið herbúðir félagsins í sumar.

Síðasta vika var erfið fyrir Manchester-liðið. Fyrst féll liðið út úr Meistaradeildinni og síðan hafði það betur gegn Brighton í átta liða úrslitum ensku bikarkeppninnar þar sem José Mourinho, stjóri liðsins, gagnrýndi spilamennsku sinna manna eftir leikinn.

Luke Shaw, Matteo Darmian og Daley Blind munu pottþétt kveðja Old Trafford í sumar sem og þeir Marouane Fellaini og Micheal Carrick, sem leggur skóna á hilluna eftir tímabilið.

Ander Herrera, Anthony Martial, Juan Mata og Chris Smalling eru meðal þeirra leikmanna sem gætu einnig yfirgefið Manchester United en Mourinho ætlar að taka veskið upp í sumar og kaupa nokkra öfluga leikmenn til félagsins.

mbl.is
Fleira áhugavert
Fleira áhugavert