Klopp kennir ekki þurrum velli um jafnteflið

Klopp fyrir leikinn í dag.
Klopp fyrir leikinn í dag. AFP

Jürgen Klopp, knattspyrnustjóri Liverpool, vildi ekki nota þurran völl WBA sem afsökun fyrir 2:2-jafntefli liðanna í dag.

„Svona er boltinn,“ svaraði Klopp, spurður um ákvörðun WBA-manna um að vökva ekki völlinn fyrir leikinn. Það var gert að ásettu ráði til þess að hægja á spili Liverpool.

„Hvert félag verður að gera upp við sig hvað það vill. Ef WBA vill leggja áherslu á að halda boltanum innan liðsins á næsta ári í B-deildinni er ég viss um að þeir muni vökva völlinn.“

Þá var Klopp kampakátur með framherjann Danny Ings sem skoraði fyrsta mark sitt í meira en tvö ár. Ings hefur tvisvar sinnum meiðst illa á hné sem hefur haldið honum utan vallar.

„Þetta er frábært fyrir Ings. Hann hefði getað skorað tvö og fengið vítaspyrnu. Þetta er gott skref fyrir hann.“

mbl.is
Fleira áhugavert
Fleira áhugavert