Salah náði Ronaldo og félögum

Egyptinn Mohamed Salah náði Alan Shearer, Luis Suárez og Cristiano Ronaldo í markaskorun ensku úrvalsdeildarinnar í dag þegar hann skoraði annað mark Liverpool í 2:2-jafntefli gegn WBA.

Nú hefur Salah skorað 31 mark í 33 deildarleikjum, sem er jafnmikið og Alan Shearer, Suarez og Cristiano Ronaldo hefur tekist að skora í 38 leikja deild.

Salah hefur þrjá deildarleiki til þess að bæta markametið. Þetta var 41. mark Egyptans á leiktíðinni í öllum keppnum.

• Blogga um frétt