Hegazi ekki refsað fyrir að slá Ings

Ahmed Hegazi, varnarmanni West Brom, verður ekki refsað fyrir að slá til Danny Ings, framherja Liverpool, er liðin mættust í ensku úrvalsdeildinni í fótbolta um helgina. 

Enska knattspyrnusambandið tók málið fyrir í dag og ákvað að kæra Egyptann ekki fyrir athæfið. Hegazi virkaði pirraður er þeir börðust um boltann og sló Ings í magann. 

Þriggja manna aganefnd knattspyrnusambandsins fór yfir atvikið og var ekki einróma um að leikmaðurinn hafi átt skilið rautt spjald og sleppur Hegazi því við kæru og bann.

• Blogga um frétt