Rúmenskur framherji í Brighton

Andone í leik með Rúmeníu á EM í Frakklandi fyrir …
Andone í leik með Rúmeníu á EM í Frakklandi fyrir tveimur árum. AFP

Enska úrvalsdeildarfélagið Brighton gekk frá kaupum á rúmenska framherjanum Florin Andone frá spænska félaginu Deportivo La Coruna í dag. Kaupverðið hefur ekki verið gefið upp en Andone skrifar undir fimm ára samning við Brighton.

Andone, sem er 25 ára, skoraði 18 mörk í 69 leikjum á tveimur leiktíðum á Spáni. Hann gat hins vegar ekki komið í veg fyrir að Deportivo félli úr deild þeirra bestu á leiktíðinni sem var að líða. 

Framherjinn á 21 landsleik að baki fyrir Rúmeníu. 

mbl.is
Fleira áhugavert
Fleira áhugavert