Pogba gagnrýnir leikstíl United

Paul Pogba, miðjumaður Manchester United, gagnrýnir leikstíl sinna manna á heimavelli en þriðja leikinn í röð tókst United ekki að vinna sigur á nýliðum Wolves í ensku úrvalsdeildinni á Old Trafford á laugardaginn.

1:1 varð niðurstaðan á Old Trafford og er Manchester United í sjöunda sæti deildarinnar, átta stigum á eftir erkifjendum sínum í Liverpool, sem er með fullt hús stiga eftir sex umferðir.

„Við erum á heimavelli og hefðum átt að spila betur á móti Wolves. Við eigum að sækja á heimavelli,“ segir Pogba.

„Ég held að liðin séu hrædd þegar þau sjá Manchester United sækja og sækja. Það voru okkar mistök að gera það ekki í þessum leik. Við erum á Old Trafford og ættum að sækja og pressa á mótherjana eins og við gerðum á móti Tottenham, Liverpool, Chelsea og Arsenal á síðustu leiktíð,“ segir Frakkinn.

• Blogga um frétt