Ítalska knattspyrnuliðið AC Milan er í viðræðum við Chelsea um kaup á spænska miðjumanninum Cesc Fábregas en Mílanóliðið vill fá Spánverjann til liðs við sig í janúar.
Fábregas, sem er 31 árs gamall, hefur aðeins spilað þrjá af 12 leikjum Chelsea í ensku úrvalsdeildinni á þessu tímabili og virðist ekki vera inni í framtíðarplönum ítalska knattspyrnustjórans Maurizio Sarri, sem tók við stjórastarfinu hjá Lundúnaliðinu í sumar.
Samningur Fábregas við Chelsea rennur út í sumar en hann kom til liðsins frá Barcelona fyrir fjórum árum.