Mikið er um meiðsli í herbúðum Manchester United en liðið tekur á móti Crystal Palace í ensku úrvalsdeildinni á laugardaginn.
Óvíst er um þátttöku sex leikmanna United í leiknum gegn Palace en þeir Anthony Martial, Paul Pogba, Romelu Lukaku, Marouane Fellaini, Victor Lindelöf og Marcus Rashford eiga allir við meiðsli að stríða.
Mestar líkur eru taldar á að Fellaini og Pogba verði búnir að hrista af sér meiðslin í tæka tíð fyrir leikinn á laugardaginn.
Það er hins vegar ljóst að vinstri bakvörðurinn Luke Shaw verður fjarri góðu gamni en hann tekur út leikbann.