Laurent Blanc gæti tekið við stjórastöðunni hjá Manchester United og stýrt liðinu út tímabilið en heimildir Sky Sports herma að United sé með Frakkann í sigtinu.
Sky hefur heimildir fyrir því að nafn Blanc hafi komið fyrst upp á borðið hjá stjórn Manchester United þegar hún fór að ræða um eftirmann Mourinho, sem var rekinn frá félaginu í morgun.
Blanc er ekki alveg ókunnugur Manchester United en hann lék með liðinu frá 2001-03 og varð enskur meistari með því árið 2003. Eftir að knattspyrnuferlinum lauk tók Blanc við þjálfun Bordeaux. Hann stýrði svo franska landsliðinu frá 2010-12, og Paris SG frá árinu 2013-16.