Sissoko frá næstu vikurnar

Moussa Sissoko, miðjumaður Tottenham, verður frá keppni næstu tvær vikurnar vegna nárameiðsla sem hann varð fyrir í 1:0-tapinu fyrir Manchester United í ensku úrvalsdeildinni í fótbolta síðasta sunnudag. 

Í fyrstu var óttast að meiðslin væru alvarlegri og Sissoko yrði frá í mánuð. Hann ætti hins vegar að vera klár í slaginn fyrir fyrri leik Tottenham og Borussia Dortmund í 16-liða úrslitum Meistaradeildarinnar í næsta mánuði. 

Tottenham er í vandræðum á miðsvæðinu þar sem Eric Dier og Victor Wanyama eru einnig að glíma við meiðsli. Tottenham er einnig án Harry Kane, sem er að glíma við kálfameiðsli og verður frá í um einn mánuð. 

• Blogga um frétt