Scholes að fá fyrsta stjórastarfið

Paul Scholes er líklegastur til að taka við sem knattspyrnustjóri enska D-deildarliðsins Oldham. Scholes er þegar búinn að ræða við Abdallah Lemsagam, eiganda félagsins, og hefur fengið samningstilboð í hendurnar. 

Fari svo að Scholes taki við Oldham mun hann að öllum líkindum selja sinn hlut í Salford City sem leikur í E-deildinni, efstu utandeildinni. Pete Wild hefur stýrt Oldham að undanförnu eftir að Frankie Bunn var rekinn á jóladag. 

Wild mun stýra liðinu í enska bikarnum gegn Doncaster á laugardag, en Oldham sló úrvalsdeildarlið Fulham úr leik í þriðju umferð. Scholes hefur ávallt verið stuðningsmaður Oldham og kom hann til greina sem stjóri liðsins í október 2017, en þá var Richie Wellens ráðinn. 

Oldham er í 12. sæti D-deildarinnar, fimm stigum frá sæti í umspili um sæti í C-deildinni, en liðið féll á síðustu leiktíð. Scholes lék allan sinn feril með Manchester United og varð enskur meistari ellefu sinnum og Evrópumeistari tvisvar.

• Blogga um frétt