Gareth Southgate, landsliðsþjálfari Englendinga í fótbolta, hefur samþykkt 30 prósenta launalækkun. Mikil pressa hefur verið á leikmönnum og þjálfurum á Englandi að taka á sig launalækkun vegna ástandsins sem nú ríkir.
Southgate er ekki fyrsti landsliðsþjálfari Englands sem samþykkir launalækkun því Eddie Jones, landsliðsþjálfari rúgbíliðs Englands, tók á sig 25 prósenta launalækkun á dögunum.
Talsmaður enska knattspyrnusambandsins staðfesti í samtali við Sky Sports að viðræður væru í gangi innan sambandsins um launalækkun fleiri starfsmanna.
Viðræður eru í gangi á meðal ensku úrvalsdeildarinnar um að lækka laun leikmanna hennar um 30 prósent tímabundið.