Úlfarnir felldu botnliðið

Willian José skorar fagnar sigurmarkinu.
Willian José skorar fagnar sigurmarkinu. AFP

Sheffield United er fallið úr ensku úrvalsdeildinni í fótbolta eftir 0:1-tap fyrir Wolves á útivelli í kvöld.

Sheffield-liðið er nú 19 stigum frá öruggu sæti þegar liðið getur mest náð í 18 stig í síðustu sex leikjunum.

Brasilíumaðurinn Willian José skoraði sigurmark Úlfanna á 59. mínútu með sínu fyrsta marki í ensku úrvalsdeildinni en fyrir leikinn í kvöld hafði hann leikið ellefu leiki, alls 905 mínútur, án þess að komast á blað.

Wolves er í tólfta sæti deildarinnar með 41 stig.

mbl.is
Fleira áhugavert
Fleira áhugavert