Markvörðurinn Jökull Andrésson hélt hreinu í 2:0 útisigri Exeter á MK Dons í ensku C-deildinni í fótbolta fyrr í dag.
Jökull er á láni hjá Exeter frá Reading en lánssamningurinn gildir aðeins í eina viku. Exeter leikur í ensku C-deildinni og er um neyðarlán að ræða vegna meiðsla aðalmarkvarðar liðsins, Jamal Blackman.
Jökull, sem er 21 árs, hefur verið á mála hjá B-deildar liði Reading frá árinu 2018 og þetta er í þriðja sinn sem Jökull hefur verið lánaður til Exeter.
Hann hélt svo hreinu í sigri dagsins sem kætti stuðningsmenn liðsins mikið. Félagið birti svo myndband af Jökli fagna sigrinum á alvöru hátt eftir leikinn sem stuðningsmennirnir hafa tekið vel í og vilja helst halda honum sem lengst.
Hér fyrir neðan má sjá myndbrotið:
🇮🇸 Need an emergency goalkeeper? Just call @JokullAndresson 📞 #ECFC #OneGrecianGoal pic.twitter.com/MMajZ9MoYY
— Exeter City FC (@OfficialECFC) January 28, 2023