„Veit að þetta var heimskulegt“

Franski knattspyrnumaðurinn Kurt Zouma, varnarmaður West Ham United, hefur tjáð sig um það þegar hann níddist á gæludýraketti sínum og hlaut dóm fyrir.

Frétt af mbl.is

Zouma fyrirskipað að sinna samfélagsþjónustu

Myndskeið þar sem Zouma sést níðast á ketti sínum með því að sparka í hann og slá fór í dreifingu á samfélagsmiðlum á síðasta ári.

Hann var í kjölfarið ákærður fyrir dýraníð og dæmdur til þess að sinna 180 klukkustunda samfélagsþjónustu. Auk þess var Zouma meinað að eiga ketti sem gæludýr um fimm ára skeið.

Frétt af mbl.is

„Svona leið kettinum þínum“

Í samtali við Evening Standard gekkst hann fúslega við því að hafa gert slæm mistök en að það að spila fótbolta hafi komið honum í gegnum erfiðleikana sem fylgdu, þar sem stuðningsmenn andstæðinga West Ham hafa til að mynda gert gys að honum meðan á leikjum hefur staðið.

„Þetta hefur verið erfiður tími fyrir mig og fjölskyldu mína. Við höfum gengið í gegnum ýmislegt. Ég gerði mistök og ég veit að þetta var heimskulegt.

Ég verð að biðjast aftur afsökunar á því sem ég gerði, en lífið snýst um að halda áfram.

Auðvitað hafði þetta áhrif á mig, en við erum knattspyrnumenn og ég er mjög lánsamur að geta fengist við það sem ég elska og haldið áfram að spila fótbolta,“ sagði Zouma.

• Blogga um frétt