GameTíví bætir í dagskrána sína og fær til sín TikTok-stjörnuna Arnar Gauta Arnarsson, einnig þekktur sem lil curly, ásamt félögum.
Nýjasti dagskrárliðurinn í GameTíví er Rocket Mob þar sem þeir Arnar Gauti, Jakob Jóhann Veigarsson, Daði Snær Ingason sæta sviðsljósið og skemmta áhorfendum.
Þeir vinirnir hafa spilað mikið saman í gegnum tíðina og eru heldur en ekki vanir myndavélinni, þetta verður þó í fyrsta skiptið sem þeir spreyta sig á tölvuleikjastreymi.
Í samtali við mbl.is segir Arnar Rocket Mob líkjast útvarpsþáttum frekar en hefðbundnu streymi þar sem þáttastjórnendur grínast og jafnvel gera símaöt.
Rocket Mob-strákarnir verða í beinni útsendingu öll sunnudagskvöld klukkan 17:00 og verður hægt að fylgjast með þeim bæði á Twitch-rás GameTíví sem og á Stöð2 Esports.
„Við í GameTíví erum ótrúlega ánægð með samstarfið við Arena og strákana í Rocket Mob, en þeir koma með nýja nálgun og auka fjölbreytileika stöðvarinnar,“ segir Ólafur Þór Jóelsson í samtali við mbl.is.