Massa á ferð í Valencia í dag. reuters

Massa fljótastur á fyrsta bílprófanadeginum

Senda frétt

Prenta frétt

Upplestur á frétt

Deila

Deila fréttinni á...

Facebook

Delicious

Hætta við

Twitter

Digg

StumbleUpon

Blogga um frétt

Felipe Massa hjá Ferrari lét að sér kveða er hann mætti til fyrsta opinbera verkefnisins á vettvangi formúlu-1 frá ungverska kappakstrinum í fyrra. Setti hann besta brautartíma dagsins við reynsluakstur í Valencia í dag.

Um var að ræða fyrstu opinberu bílprófanalotu formúluliðanna í ár. Massa lét bíða eftir bestu tímum þar til á síðustu mínútum dagsins.  Sýndi hann að hann hefur engu gleymt en hann slasaðist alvarlega í ungverska kappakstrinum í júlí í fyrra.

Pedro de la Rosa stóð sig vel á Saubernum í Valencia.

Hann átti besta tímann framan af degi en eftir hádegi ruddi Pedro de la Rosa hjá Sauber honum úr efsta sætinu á lista yfir hröðustu hringi. Á lokamínútunum endurheimti Massa aftur toppsætið en de la Rosa átti næst besta hring þegar upp var staðið.

Kom frammistaða de la Rosa á óvart og einnig geta Sauberbílsins, en liðið hefur ekki eins öfluga bakhjarla sem BMW undanfarin ár.

Schumacher á ferð á Mercedes í Valencia í dag. reuters

Michael Schumacher hefur heldur engu gleymt og var fljótur að komast í tæri við topptímana eftir að hann tók við akstri Mercedesbílsins af Nico Rosberg eftir hádegi.

Á endanum varð hann aðeins 0,4 sekúndum frá tíma Massa en sinn besta hring setti Schumacher undir lok æfingarinnar er brautartímar ökumanna tóku skjótum og miklum breytingum. Útaf fyrir sig eru æfingatímar lítt til samanburðar fallnir en engu að síður þykir Schumacher ekki verra að hafa náð  talsvert betri tíma en Rosberg.

Kubica ekur Renault í fyrsta sinn. reuters

Toro Rosso glímdi við vanda í gírkassa í nýsmíðuðum bíl sínum og náði liðið því ekki mörgum hringjum.

Robert Kubica var ánægður með æfingar dagsins þótt besti tími hans væri sá lakasti. Allt hefði gengið eins og í sögu en á morgun myndi hann prófa sig áfram með jafnvægið í bílnum. Hann sagði mjórri framdekk en áður ættu eflaust eftir að leiða til aukinnar undirstýringar í hraðari beygjum.

Bestu brautartímar ökumanna urðu annars sem hér segir í Valencia í dag:

Til baka