Kobayashi lét að sér kveða í dag í Valencia. reuters

Massa aftur fljótastur

Senda frétt

Prenta frétt

Upplestur á frétt

Deila

Deila fréttinni á...

Facebook

Delicious

Hætta við

Twitter

Digg

StumbleUpon

Blogga um frétt

Felipe Massa hjá Ferrari ók hraðast annan daginn í röð við bílprófanir í Valencia á Spáni í dag, en þar eru sjö formúlulið við reynsluakstur nýrra keppnisbíla sinna.

Massa náði besta hringnum á fyrstu klukkustund æfinganna í morgun en eftir það einbeitti hann sér að löngum aksturslotum. Einnig setti Kamui Kobayashi hjá Sauber sinn besta hring á fyrsta tímanum og reyndist það annar besti tími dagsins.

Hamilton í Valencia í dag. reuters

Eftir því sem leið á daginn bötnuðu tímar annarra ökumanna jafnt og þétt.  Lewis Hamilton hjá McLaren mætti til starfa hjá McLaren í dag og setti þriðja besta tímann. Ók hann einnig í löngum lotum og hið sama gerði Robert Kubica hjá Renault sem var tveimur brotum á eftir Hamilton að tíma.

Kubica setti sinn besta tíma á síðasta hálftímanum en Hamilton um miðjan dag.

Alonso mætti til Valencia í dag. reuters

Nico Rosberg var einn um akstur Mercedes í dag en Michael Schumacher tekur við af honum á morgun. Rubens Barrichello hélt áfram akstri fyrir Williams annan daginn í röð.

Talsverður fjöldi áhorfenda var í stúkum Valenciabrautarinnar í dag og gær að fylgjast með æfingunum. Töldust þeir vera 7.200 í gær en á morgun er búist við að þeir margfaldist því þá ekur Fernando Alonso fyrir Ferrari. Tveir aðrir meistarar verða þá einnig í brautinni, Jenson Button og Schumacher.

Niðurstaða æfingarinnar í dag varð annars sem hér segir:

Til baka