Alonso ók Ferraribílnum í fyrsta sinn. reuters

Alonso heldur Ferrari á toppnum

Senda frétt

Prenta frétt

Upplestur á frétt

Deila

Deila fréttinni á...

Facebook

Delicious

Hætta við

Twitter

Digg

StumbleUpon

Blogga um frétt

Fernando Alonso sá til þess á fyrsta starfsdegi sínum í 2010 bíl Ferrari, að liðið hélt efsta sæti á þriggja daga æfingalotu formúluliða í Valencia. Tugþúsundir stuðningsmanna hans fylgdust með æfingunni við brautina.

Alonso setti ekki aðeins besta brautartíma dagsins heldur og vikunnar. Tók hann í dag við akstri af Felipe Massa sem var hraðskreiðastur í gær og fyrradag.

Tæplega 40.000 manns lögðu leið sína í stúkur brautarinnar í Valencia. reuters

Svo mikilla vinsælda nýtur Alonso í heimalandinu að tæplega 40.000 manns lögðu leið sína til brautarinnar til að fylgjast með æfingum hans. Fyrstu tvo dagana voru áhorfendur rúm sjö þúsund hvorn dag.

Og Alonso var ekki lengi að finna fjölina sína, ef svo mætti segja, því áður en klukkustund var liðin hafði hann jafnað bestu tíma Massa og fyrir hádegi sá besti tími vikunnar dagsins ljós.

Alonso setti fljótt besta tíma vikunnar í nýja Ferraribílnum. reuters

Eftir að hafa sett hraðasta hring í langaksturslotu hélt hann áfram í átta hringi og staðfesti með því að hraðinn var ekki vegna þess að lítið bensín var eftir í tönkunum.

Landi Alonso, Pedro de la Rosa, hélt áfram að koma á óvart á Sauberbílnum. Setti hann næstbesta tímann og var mun fljótari í förum en öllu frægari ökumenn, svo sem Michael Schumacher hjá Mercedes og Jenson Button hjá McLaren.

De la Rosa lét að sér kveða í Valencia í dag. reuters

De la Rosa var hraðskreiður daginn út í gegn og það þrátt fyrir að hafa lent í samstuði snemma dagsins við Nico Hulkenberg hjá Williams.

Schumacher setti þriðja besta tímann en hermt er að á bíl hans vanti  endanlega útgáfu loftdreifis undir afturenda bílsins svo og framvæng. Var hann tæpri sekúndu lengur með hringinn en Alonso. Og hann gat ekki lokið æfingunni, varð að hætta klukkustund of snemma vegna lítilsháttar vökvakerfisbilunar.

Petrov ók formúlu-1 bíl í fyrsta sinn í dag. reuters

Liðsstjórinn Ross Brawn játti eftir æfinguna, að liðið væri ekki í þeirri stöðu sem það hefði vænst, hvað hraða og jafnvægi í bílnum varðar. Hermt er að bæta þurfi þyngdardreifingu í bílnum til að ná betri vinnslu út úr framenda hans fyrir næsta reynsluakstur.

Spánverjar voru atkvæðamikli á æfingunni því Jaime Alguersuari bætti hraða Toro Rosso bílsins er hann náði fjórða besta hring dagsins. Var hann ögn fljótari en Button sem ók McLarenbíl í fyrsta sinn í dag.

Button á fyrsta starfsdegi á McLarenbíl. reuters

Vitaly Petrov bætti hraða sinn jafnt og þétt á sínum fyrsta starfsdegi hjá Renault og í formúlu-1 bíl. Hermt er að Renault muni gera miklar breytinga rá yfirbyggingu og loftaflsflötum bílsins áður en vertíðin gengur í garð.

Niðurstaða æfingarinnar varð sem hér segir:

Til baka