Hamilton toppaði allar æfingarnar
Setja bókamerki
Lewis Hamilton hjá Mercedes ók í morgun hraðast á þriðju og síðustu æfingu keppnishelgar ungverska kappakstursins. Þar með sat hann í toppsæti lista yfir hröðustu hringi allar æfingarnar þrjár.
Næsthraðast fór liðsfélagi hans Nico Rosberg og síðan komu Sebastian Vettel og Daniel Ricciardo hjá Red Bull.
Á Hamilton og Rosberg munaði 47 þúsundustu úr sekúndu en Vettel var aftur á móti tæplega fjórum tíundu úr sekúndu frá brautartíma Rosberg.
Í sætum 5-10 í þessari röð urðu: Valtteri Bottas hjá Williams, Fernando Alonso hjá Ferrari, Kimi Räikkönen hjá Ferrari, Kevin Magnussen hjá McLaren og Toro Rosso mennirnir Jean-Eric Vergne og Daniil Kvyat.
Á þeim tveimur síðastnefndu munaði aðeins átta þúsundustu úr sekúndu en tími Kvyat var rúmlega sekúndu lakari en besti tími Hamiltons.
Felipe Massa hjá Williams setti ellefta besta tímann en hring þann ók hann á 0,6 sekúndu lakari tíma en besti hringur liðsfélaga hans, Bottas, hljóðaði. Sami munur var á Magnussen og liðsfélaga hans Jenson Button sem átti aðeins tólfta besta hringinn.
Bifreið ekið á skrifstofu Útlendingastofnunar
Fara ekki lengur fram á einangrun yfir Davíð
Baldur: „Ég ætla að svara þessu kalli“
Fiskikóngurinn: „Mér fannst sárt að heyra það“
Áverkar bentu til manndráps
Segir nýtt frumvarp gefa eldisfyrirtækjum auðlindir
Myndir: Reynir við heimsmet í Hlíðarfjalli í dag
Átta morðmál á aðeins tólf mánuðum