Stefnumótunarnefnd formúlu-1 hefur samþykkt að banna hákarlsuggana á kæliturni vélarhúss keppnisbíla formúlunnar frá og með næstu áramótum.
Sömu örlög bíða T-vængjanna svonefndu, þeir hverfa einnig áður en keppnistíðin 2018 rennur upp.
Ekki hefur verið formlega skýrt frá þessu en fjöldi áreiðanlegra fjölmiðla heldur þessu fram. Þar á meðal þýska vikuritið Auto Motor und Sport, þýska fréttastofan DPA og ítalska íþróttadagblaðið La Gazzetta dello Sport.
Hrein lýti finnst að bæði ugganum og T-vængnum en það flýtti fyrir banni við honum að hann hefur viljað brotna af bílunum í fyrstu mótum ársins.
Á nefndarfundinum í París í gær var ennfremur samþykkt að hætta tilraunum með Halo-höfuðhjálmhlífina yfir stjórnklefa formúlubílanna. Í staðinn verða frekari athuganir og tilraunir gerðar með gegnsæjan skjöld fyrir framan klefann.