Lewis Hamilton hjá Mercedes ók hraðast á fyrstu æfingu keppnishelgar bandaríska kappakstursins sem fram fer í borginni Austin á sunnudag. Brautir voru rakar í byrjun en þornuðu jafnt og þetta eftir að ökumenn hófu aksturinn.
Næsthraðast fór Sebastian Vettel á Ferrari en munurinn á þeim Hamilton var hálf sekúnda. Þriðja besta hringinn átti svo Valtteri Bottas hjá Mercedes en hann var 50 þúsundustu úr sekúdu lengur með hringinn en Vettel.
Í sætum fjögur til tíu - í þessari röð - urðu Max Verstappen á Red Bull, Stoffel Vandoorne á McLaren, Felipe Massa á Williams, Kimi Räikkönen á Ferrari, Esteban Ocon og Sergio Perez á Force India og Carlos Sainz sem nú ók í fyrsta sinn fyrir nýjan vinnuveitanda, Renault. Var hann tæplega 1,5 sekúndur lengur með hringinn en Hamilton.