Lewis Hamilton á Mercedes náði þrusugóðum hring í lokatilraun tímatökunnar í Melbourne. Skildi hann keppinauta sína eftir í kjölsoginu var 0,7 sekúndum fljótari en Kimi Räikkönen og Sebastian Vettel á Ferrari.

Hamilton vann með þessu ráspól ástralska kappakstursins fimmta árið í röð. Alls hefur hann unnið ráspól sjö sinnum í Melbourne 12 tilraunum. Líkast verður lokahringur hans í Melbourne talin fullkomnun. 

Að öðru sýndi tímatakan að munur er almennt minni á bílunum í ár en í fyrra, ef unan er skilinn bombuhringur Hamiltons í lokin. Fram að honum hafði Ferrari ráðið ferðinni í tveimur fyrstu lotum tímatökunnar.

Aðeins munaði 10 þúsundustu úr sekúndu á ökumönnum Ferrari. Í fjórða og fimmta sæti urðu Max Verstappen og Daniel Ricciardo hjá Red Bull. Var Verstappen 41 þúsundasta úr sekúndu á eftir  Vettel og 0,2 sekúnudum á undan félaga sínum. Vegna akstursvítis færist Ricciardo niður í áttunda sæti.  

Ökumenn Haas komu vel frá tímatökunni og vegna refsingar Ricciardo hefja þeir keppni af fimmta og sjötta rásstað; Kevin Magnussen á undan Romain Grosjean.

Nico Hülkenberg og Carlos Sainz höfnuðu í áttunda og níunda sæti og tíunda sætið á rásmarkinu hlaut Valtteri Bottas á Mercedes. Hann setti ekki tíma þar sem hann missti vald á bílnum í gegnum fyrstu tvær beygjur hringins og skall harkalega ávegg.

Fernando Alonso og Stoffel Vandoorne hjá McLaren voru i ellefta og tólfta sæti og sagði Alonso á innleið að lokinni í síðustu atlögu sinni að bíllinn væri góður og allt í lagi væri með stöðuna. Ólíkt þeim sem á undan eru getur hann valið sér hvaða dekk hann setur undir bíl sinn á morgun.

Tengdar fréttir

Formúla-1/Keppnin um ráspólinn

Verstappen vann sprettinn

• Verstappen tók franska pólinn
• Leclerc aftur á ráspól
• Klessti sig á ráspólinn
• Bottas naumlega á ráspól

» Fleiri tengdar fréttir

• Blogga um frétt