Senda inn efni
Eiður Smári Guðjohnsen. Reuters
Eiður Smári fær hæstu einkunn hjá Barcelona
Eiður Smári Guðjohnsen, fyrirliði íslenska landsliðsins í knattspyrnu og leikmaður Evrópu- og Spánarmeistaraliðs Barcelona, fær hæstu einkunn sérfræðinga fréttavefjar Sky fyrir framlag sitt í 2:0-sigri liðsins á útivelli gegn Levski Sofia í Búlgaríu.
Eiður fær 8 í einkunn og til samanburðar fær Brasilíumaðurinn Ronaldinho 6 í einkunn og Ludovic Giuly, sem skoraði fyrsta mark leiksins, fær 7 í einkunn. Með sigrinum tekst Barcelona að halda í vonina um áframhaldandi þátttöku í Meistaradeild Evrópu en liðið mætir Werder Bremen á Spáni í lokaumferð A-riðils. Chelsea er efst í riðlinum með 10 stig og leikur gegn Levski á heimavelli í lokaumferðinni.
Werder Bremen er með 10 stig og nægir jafntefli gegn Barcelona í lokaleiknum en Evrópumeistararnir eru með 8 stig í þriðja sæti riðilsins.
Einkunnir leikmanna Barcelona á Sky eftir leikinn gegn Levski í Búlgaríu eru þannig:
Víctor Valdés 7, Carles Puyol 6, Rafael Marquez 6, Silvinho 5, Gianluca Zambrotta 7, Thiago Motta 6, Deco 7, Andres Iniesta 7, Ronaldinho 6, Ludovic Giuly 7, Eiður Smári Guðjohnsen 8.
Nánar í Morgunblaðinu. Smelltu hér til að gerast áskrifandi.
Til baka