Carlos Tévez framherji Ítalíumeistara Juventus verður enn og aftur að sætta sig við að vera ekki valinn í argentínska landsliðið í knattspyrnu.
Tévez hefur verið úti í kuldanum meira en þrjú ár en argentínskir fjölmiðlar greindu frá því á dögunum að líklega myndi Tévez hljóta náð fyrir augum Gerardo Martino sem á dögunum tók við þjálfun landsliðsins.
Í dag valdi Martino landsliðshóp sinn sem mætir Brasilíumönnum í tveimur vináttuleikjum sem fram fara í Hong Kong 11. og 14. október. Engann Carlos Tévez er þar að finna en framherjarnir sem Martini valdi voru þeir: Lionel Messi (Barcellona) Gonzalo Higuain (Napoli) Sergio Agüero (Manchester City) Erik Lamela (Tottenham).