Vinstri bakvörðurinn Kristinn Jónsson hefur hafið æfingar af fullum krafti með sænska úrvalsdeildarliðinu Brommapojkarna eftir að hafa verið frá keppni í einn og hálfan mánuð vegna meiðsla.
Kristinn greindi frá þessu á Twitter-síðu sinni en hann spilaði síðast fyrir Brommapojkarna þann 13. ágúst.
Kristinn ætti því að geta tekið þátt í einhverjum af þeim fjórum leikjum sem eftir eru af tímabilinu en Brommapojkarna er langneðst í deildinni og þegar fallið niður í 1. deild. Kristinn er á láni hjá félaginu frá Breiðabliki út tímabilið.
Hvað er betri tilfinning en að klara loksins fulla æfingu eftir rúmar 6 vikur hja sjúkraþjalfara og öllu því drasli
— Kristinn Jonsson (@kiddijons90) October 2, 2014