Jürgen Klopp verður að gera sér að góðu að kveðja Dortmund með silfurverðlaunum í þýsku bikarkeppninni í knattspyrnu en liðið tapaði 3:1 fyrir Wolfsburg í úrslitaleiknum í kvöld.
Öll mörkin komu í fyrri hálfleik. Pierre-Emerick Aubameyang kom Dortmund yfir strax á 5. mínútu en Luiz Gustavo jafnaði metin á 22. mínútu. Kevin de Bruyne og Bas Dost bættu svo við mörkum á 33. og 38. mínútu.
Þetta er fyrsti bikarmeistaratitill Wolfsburg í sögu félagsins.