Bayern München spilar til úrslita við Real Madrid um Audi-bikarinn eftir auðveldan sigur á AC Milan í síðari undanúrslitaleik æfingamótsins í kvöld.
Juan Bernat kom Bæjurum yfir í fyrri hálfleik eftir undirbúning Doublas Costa og þeir Mario Götzw og Robert Lewandowski bættu við tveimur mörkum eftir hlé. Lokatölur 3:0.
Bayern mætir Real Madrid í úrslitum á morgun, en Madrídingar lögðu Tottenham 2:0 fyrr í kvöld eins og áður kom fram á mbl.is. Tottenham og AC Milan spila um bronsið.