Gamla kempan Roy Keane er nú aðstoðarlandsliðsþjálfari Írlands í knattspyrnu, en hann hefur lengi verið þekktur harðhaus og kom það greinilega í ljós í viðtali á landsliðsæfingu í dag.
Írar mæta Þýskalandi í vikunni og var Keane spurður hvort nafni hans, Robbie Keane, yrði með liðinu í leiknum þar sem konan hans eignaðist barn í gærkvöldi. Það stóð ekki á svari hjá Roy.
„Af hverju ætti hann ekki að vera með? Ekki var hann að eignast barnið. Nema hann sé sjálfur með barnið á brjósti þá ætti hann að vera tilbúinn í slaginn,“ sagði Keane og uppskar hlátur blaðamanna á staðnum, en atvikið má sjá í meðfylgjandi myndskeiði.
Roy Keane is confident Robbie Keane will be available on Thursday: "Unless he's breastfeeding he should be alright." https://t.co/E3qSujoXUT
— RTÉ Soccer (@RTEsoccer) October 6, 2015