Albert Guðmundsson skoraði fyrsta mark hollenska liðsins PSV sem sigraði Manchester United, 5:0, í Meistaradeild U-19 ára liða í dag en leikið var í Manchester. Vilhjálmur Alvar Þórarinsson dæmdi leikinn.
Albert kom gestunum í 1:0 á 13. mínútu leiksins og PSV var 3:0 yfir að loknum fyrri hálfleik. PSV bætti tveimur mörkum við í þeim síðar, lokatölur 5:0. PSV kemst þar með upp fyrir United í B-riðli U-19 ára keppninnar. Albert og félagar eru með 7 stig eftir fimm leiki en United er með 5 stig eftir jafnmarga leiki.
CSKA Moskva er á toppi riðilsins með átta stig og Wolfsburg er með jafnmörg stig og PSV; sjö.