Hörður Björgvin Magnússon og félagar hans hjá Cesena sitja eftir með sárt ennið í B-deild ítölsku knattspyrnunnar, en það var ljóst eftir 2:1 tap liðsins gegn Spezia í umspili um laust sæti í efstu deild að ári í kvöld.
Hörður Björgvin sem lék gegn sínum gömlu félögum í þessum leik lék allan leikinn fyrir Cesena.
Hörður hefur ekki langan tíma til þess að svekkja sig á þessum úrslitum, en hann mun hitta íslenska landsliðshópinn um næstu helgi í Noregi og hefja undirbúning sinn með liðinu fyrir lokakeppni EM.