Leikmenn unglingaliðs Barcelona á Spáni sýndu afar íþróttamannslega hegðun er liðið vann World Challenge-mótið í Japan um helgina. Myndbandið í fréttinni hefur farið eins og eldur í sinu á netinu um allan heim.
Börsungar eru með eitt allra öflugasta unglingastarf í knattspyrnunni í heiminum og kom það fáum á óvart að leikmenn unglingaliðsins unnu World Challenge-mótið. Barcelona vann japanska liðið Omya 1:0 í úrslitum en spænsku drengirnir sýndu magnaðan íþróttaanda í leikslok.
Leikmenn Omya hágrétu eftir að hafa tapað leiknum en Börsungar sýndu þeim samúð með því að hugga þá. Hægt er að sjá myndbandið hér fyrir neðan.
試合終了後のバルセロナU-12。特にキャプテン6番のカプテビラくんの対応が小学生に思えない! pic.twitter.com/7eosUUgc1s
— はるた (@harutavvs) August 28, 2016