Franski landsliðsmaðurinn Antoine Griezmann var enn og aftur hetja Atlético Madrid þegar liðið lagði Deportivo La Coruna, 1:0, í spænsku 1. deildinni í knattspyrnu.
Griezman skoraði sigurmarkið á 70. mínútu en sigurinn tók sinn toll. Miðjumaðurinn Augusto Fernandez meiddist illa í fyrri hálfleik en talið er að hann hafi slitið krossband í hné og þar með spilar hann ekki meira á þessu tímabili.
Þá varð Jose Maria Gimenez einnig fyrir meiðslum og hætt er við því að hann missi af leiknum gegn Bayern München í Meistaradeildinni á miðvikudaginn.