Birkir Bjarnason, landsliðsmaður í knattspyrnu, er í byrjunarliði Basel sem mætir Arsenal í annarri umferð A-riðils í Meistaradeild Evrópu á Emirates í kvöld.
Birkir lék allan leikinn þegar Basel gerði 1:1 jafntefli gegn Ludogorets á St. Jacob's Park, heimavelli Basel, í fyrstu umferð riðlakeppninnar.
Arsenal gerði 1:1 jafntefli gegn PSG í hinum leiknum í fyrstu umferð A-riðilsins og staðan er því hnífjöfn fyrir aðra umferðina sem leikin verður í kvöld.