Svíinn Hans Backe, þjálfari finnska karlalandsliðsins í knattspyrnu, hefur þegar valið leikmannahóp sinn sem mætir Íslandi í undankeppni HM á Laugardalsvelli eftir viku.
Backe tilkynnti 22 manna hóp um helgina en síðan þá hefur Jere Uronen, bakvörður Genk í Belgíu og byrjunarliðsmaður hjá Finnum, orðið að draga sig úr hópnum. Í hans stað kom Albin Granlund sem leikur með Mariehamn í Finnlandi. Þá valdi Backe einnig varnarmanninn Sakari Mattila, leikmann SönderjyskE í Danmörku, til að fylla 23 manna hópinn.
Roman Eremenko, miðjumaður CSKA Moskvu, er reynslumesti leikmaður finnska liðsins með 73 A-landsleiki. Teemu Pukki og Joel Pohjanpalo eru helstu sóknarmenn liðsins, en Pukki var í liði Bröndby sem rúllaði yfir Val í forkeppni Evrópudeildarinnar í sumar og skoraði hann þrjú mörk í leikjunum tveimur. Miðvörðurinn Niklas Moisander, samherji Arons Jóhannssonar hjá Werder Bremen, er fyrirliði finnska liðsins.
Finnar gerðu 1:1-jafntefli við Kósóvó á heimavelli í fyrsta leik sínum í undankeppni HM, en Ísland gerði 1:1-jafntefli við Úkraínu á útivelli.
Leikmannahópur íslenska liðsins verður tilkynntur rétt eftir hádegi á morgun.
Markverðir:
Lukas Hradecky (Eintracht Frankfurt)
Niki Mäenpää (Brighton & Hove Albion)
Jesse Joronen (Fulham)
Varnarmenn:
Sauli Väisänen (AIK)
Paulus Arajuuri (Lech Poznan)
Niklas Moisander (Werder Bremen)
Juhani Ojala (SJK)
Kari Arkivuo (Häcken)
Kari Arkivuo (Häcken)
Janne Saksela (RoPS)
Markus Halsti ( Midtjylland)
Albin Granlund (Mariehamn)
Sakari Mattila (SönderjyskE)
Miðjumenn:
Roman Eremenko (CSKA Moskva)
Alexander Ring (Kaiserslautern)
Rasmus Schüller (Häcken)
Perparim Hetemaj (Chievo Verona)
Robin Lod (Panathinaikos)
Jukka Raitala (Sogndal)
Thomas Lam (Nottingham Forest)
Kasper Hämäläinen (Legia Varsjá)
Sóknarmenn:
Joel Pohjanpalo (Leverkusen)
Teemu Pukki (Brøndby)
Eero Markkanen (AIK)