Glæsilegt mark frá Manuel Locatelli tryggði AC Milan langþráðan sigur gegn Ítalíumeisturum Juventus í gærkvöld.
Locatelli skoraði eina mark leiksins með þrumufleyg á 65. mínútu og í fyrsta skipti í tíu viðureignum liðanna hrósaði AC Milan sigri.
AC Milan komst með sigrinum upp í annað sætið og er tveimur stigum á eftir Juventus, sem stefnir á að verða meistari sjötta árið í röð.