Dregið var í 16-liða úrslit Evrópudeildarinnar í knattspyrnu í dag í höfuðstöðvum UEFA í Nyon í Sviss.
Manchester United mætir Rostov frá Rússlandi og á síðari leikinn á heimavelli en Rostov er lægst skrifara liðið á styrkleikalista UEFA af liðunum sem eftir eru í keppninni. Þá mætir Lyon Roma í hörkuviðureign og Danirnir í FC København mæta Ajax í áhugaverðri viðureign.
Belgísku liðin Gent og Genk mætast einnig í fyrstu albelgísku viðureign keppninnar en við fáum einnig Þýskalandsslag þar sem Schalke og Mönchengladbach drógust saman.
16-liða úrslitin:
Celta - Krasnodar
Apoel - Anderlecht
Schalke - Mönchengladbach
Lyon - Roma
Rostov - Manchester United.
Olympiacos - Besiktas
Gent - Genk
FC København - Ajax