Mesut Özil leikmaður Arsenal var í gær útnefndur besti leikmaður þýska landsliðsins í knattspyrnu fyrir árið 2016.
Þetta er í fimmta sinn á sex árum sem Özil er valinn bestur og tók hann á móti viðurkenningu sinn fyrir leikinn gegn Englendingum í Dortmund í gærkvöld en Özil gat ekki tekið þátt í leiknum sökum meiðsla.
Özil, sem er 28 ára gamall, á að baki 83 leiki með þýska landsliðinu og hefur í þeim skorað 29 mörk.