Cristiano Ronaldo skoraði tvö mörk í 3:0-sigri Portúgal gegn Ungverjalandi í fimmtu umferð í B-riðli í undankeppni HM 2018 á Estado de Luz í Lissabon í Portúgal í kvöld. Þar áður hafði Andre Silva komið Portúgal yfir í leiknum.
Fyrr í dag hafði Sviss betur gegn Lettlandi, en Sviss er taplaust eftir fyrstu fimm umferðirnar í riðlakeppninni. Portúgal er svo í öðru sæti riðilsins með 12 stig. Þá gerðu Andorra og Færeyjar markalaust jafntefli.
Staðan í riðlinum eftir fimm umferðir er eftirfarandi: Sviss 15, Portúgal 12 stig, Ungverjaland 7 stig, Færeyjar 5 stig, Lettland 3 stig og Andorra 1 stig.