Enska landsliðið í knattspyrnu vann öruggan 2:0 sigur á Litháen í undankeppni HM í dag. Jermain Defoe og Jamie Vardy skoruðu mörk Englands.
Litháar ógnuðu marki Englands ekki neitt í leiknum og var sigurinn býsna öruggur. Defoe var að spila sinn fyrsta landsleik í þrjú ár og hélt hann upp á áfangann með að skora af stuttu færi eftir undirbúning Raheem Sterling. Jamie Vardy bætti við í seinni hálfleik eftir sendingu frá Adam Lallana.
England er í efsta sæti F-riðils með 13 stig en Slóvenar eru í 2. sæti með átta stig. Heimsmeistarar Þjóðverja höfðu svo betur gegn Aserbaísjan, 4:1. Andre Schürrle skoraði tvö mörk og Mario Gomez og Thomas Müller skoruðu eitt mark hver.
Tékkland vann svo San Marínó, 6:0, og Armenía hafði betur gegn Kasakstan, 2:0.