Michel Platini skaut ansi föstum skotum á Sepp Blatter í viðtali við franska blaðið Le Monde. Báðir eru þeir í banni frá knattspyrnu eftir að í ljós kom um spillingu þeirra.
Blatter var forseti alþjóða knattspyrnusambandsins og Platini forseti evrópska knattspyrnusambandsins og misstu þeir báðir vinnuna í kjölfar málsins, en Blatter samþykkti greiðslu upp á 1.3 milljónir punda til Platini á sínum tíma. Platini virðist ekki sáttur við hlut Blatter í málinu og er hann ekki feiminn við að láta skoðun sína í ljós.
„Ég veit ekki hvað ég gerði rangt. Það á ekki að trúa öllu sem Blatter segir, því hann segir þér alltaf það sem þú vilt heyra. Hann er pólitískt dýr og sjálfselskasti maður sem ég hef kynnst," sagði Platini.