Dortmund tryggði sér í kvöld farseðilinn í úrslitaleikinn í þýsku bikarkeppninni í knattspyrnu með 3:2 útisigri gegn meistaraliðinu Bayern München í frábærum leik.
Ousmane Dembele skoraði sigurmark Dortmund á 78. mínútu en Dortmund var 2:1 undir þegar um 20 mínútur voru til leiksloka.
Marco Reus kom Dortmund yfir á 19. mínútu en Bæjarar svöruðu með tveimur mörkum fyrir leikhlé sem þeir Javier Martinez og Mats Hummels skoruðu. Pierre-Emerick Aubameyang jafnaði metin á 69. mínútu áður en Dembele skoraði sigurmarkið með þrumuskoti.
Dortmund mætir Eintracht Frankfurt í úrslitaleiknum.