Íþróttir | Fótbolti | mbl | 24.5.2017 | 20:34 | Uppfært 25.5.2017 10:31

United vann Evrópudeildina

Mynd 1 af 4 Paul Pogba og Henrikh Mkhitaryan fagna í kvöld. AFP

Mynd 2 af 4 José Mourinho fagnar. AFP

Mynd 3 af 4 José Mourinho var tilfinningaríkur í leikslok. AFP

Mynd 4 af 4 Liðsmenn United fagna titlinum. AFP

Manchester United er sigurvegari Evrópudeildarinnar í knattspyrnu árið 2017 eftir 2:0 sigur á Ajax í úrslitaleik í Stokkhólmi í dag. Paul Pogba og Henrikh Mkhitaryan skoruðu mörkin hvor í sínum hálfleiknum í öruggum sigri.

United byrjaði leikinn af krafti og skoraði Pogba eftir aðeins 18 mínútur. Fast skot hans fór þá í varnarmann og í netið. Þrátt fyrir að Ajax hafi verið meira með boltann eftir markið tókst þeim ekki að skapa sér nein alvörufæri og var staðan 1:0 í hálfleik.

Snemma í seinni hálfleik skoraði Mkhitaryan annað mark United. Eftir það voru liðsmenn Ajax aldrei nálægt því að skora og var sanngjarn sigur enska liðsins því staðreynd. United tryggði sér sæti í Meistaradeild Evrópu á næstu leiktíð með sigrinum.

Fylgst var með gangi mála í beinni textalýsingu á mbl.is.