Landsliðskonurnar Sif Atladóttir hjá Kristanstad og Glódís Perla Viggósdóttir hjá Eskilstuna léku báðar í 1:1 jafntefli liðanna í dag á heimavelli Kristianstad.
Þær Sif og Glódís léku báðar allan leikinn en Elísabet Gunnarsdóttir þjálfar lið Kristianstad.
Eskilstuna komst yfir í leiknum á 40. mínútu eftir sjálfsmark hjá Kristianstad en Therese Ivarsson jafnaði metin fyrir liðið á 55. mínútu og þar við sat, 1:1.
Eskilstuna hefur 20 stig í 2. sæti deildarinnar og er sjö stigum á eftir Linköping í toppsætinu. Kristianstad hefur 11 stig í 7. sæti.