Everton fer til Slóvakíu í næstu viku með naumt 1:0 forskot eftir sigur á Ruzomberok á Goodison Park í Liverpool í kvöld. Leighton Baines skoraði sigurmark Everton á 65. mínútu en einvígið er liður í 3. umferð forkeppni Evrópudeildarinnar í knattspyrnu.
Wayne Rooney spilaði allan leikinn fyrir Everton og var þetta fyrsti keppnisleikur hans með liðinu í 13 ár, eftir að hann gekk í raðir Everton frá Manchester United á dögunum.
Ricardo Rodríguez skoraði sigurmark AC Milan á 44. mínútu í 1:0 sigri ítalska risans á Universitatea Craiova frá Rúmeníu á útivelli. Seinni leikir einvígjanna fara fram eftir viku.