Neymar rauk út af æfingu (myndskeið)

Kínverska ferðaskrifstofan Ctrip hefur staðfest að búið sé að aflýsa stuðningsmannadegi með brasilíska knattspyrnumanninum Neymar þar sem hann er í samningarviðræðum við Paris SG.

Neymar átti að hitta stuðningsmennina í Shanghai á mánudaginn og mun Ctrip endurgreiða öllum þeim sem höfðu keypt miða til að hitta stórstjörnuna.

Þessar fregnir koma í kjölfar á uppþoti sem átti sér stað á æfingu Barcelona-liðsins í Miami en þar lentu Neymar og einn af nýju leikmönnum Barcelona, Nelson Samedo, upp á kant hvor við annan sem endaði með því að Neymar rauk út af æfingunni.

• Blogga um frétt