Ítalska knattspyrnufélagið Juventus hefur gengið frá kaupum á franska miðjumanninum Blaise Matuidi frá Paris Saint-Germain á 30,5 milljónir evra. Matuidi skrifar undir þriggja ára samning við Juventus.
Matuidi vann frönsku deildina fjórum sinnum með PSG eftir að hann gekk í raðir félagsins frá Saint-Etienne árið 2011. Matuidi er níundi leikmaðurinn sem Juventus fær til sín í sumar.
Matuidi hefur leikið 52 landsleiki fyrir Frakka og skorað í þeim átta mörk.