Jærbladet í Noregi greindi frá því í dag að enska félagið Arsenal hafi áhuga á Maríu Þórisdóttur. María leikur með norska landsliðinu og Klepp í Noregi, en hún er dóttir Þóris Hergeirssonar, þjálfara norska kvennalandsliðsins í handknattleik.
María lék tvo af þremur leikjum Noregs á Evrópumótinu í Hollandi í sumar eftir að hafa jafnað sig á mjög erfiðum meiðslum.
Arsenal hafnaði í þriðja sæti ensku deildarinnar á síðustu leiktíð.