Króatíski framherjinn Nikola Kalinic er orðinn leikmaður ítalska knattspyrnufélagsins AC Milan. Hann kemur til félagsins frá Fiorentina. Kalinic, sem eitt sinn var á láni hjá Blackburn sem þá lék í ensku úrvalsdeildinni, skrifar undir fjögurra ára samning við Milan.
Kalinic skoraði 15 deildarmörk fyrir Fiorentina á síðustu leiktíð og mætti hann ekki til æfinga hjá Fiorentina í sumar þar sem hann vildi yfirgefa félagið.
Milan hefur eytt yfir 200 milljónum evra í leikmenn í sumar.