Liverpool af öryggi í riðlakeppnina

Liverpool vann sannfærandi 4:2-heimasigur á Hoffenheim á Anfield í kvöld og tryggði sér í leiðinni sæti í riðlakeppni Meistaradeildar Evrópu í knattspyrnu. Liverpool vann samanlagt 6:3. 

Enska liðið byrjaði af miklum krafti og var staðan orðin 3:1 eftir aðeins 21 mínútu. Emre Can kom Liverpool á bragðið á 10. mínútu, Mohamed Salah bætti við á 18. mínútu áður en Can skoraði sitt annað mark á 21. mínútu. 

Mark Uth lagaði stöðuna fyrir Hoffenheim fyrir hlé, en Roberto Firmino skoraði fjórða mark Liverpool á 63. mínútu. Sandro Wagner átti síðasta orðið fyrir Hoffenheim en Liverpool fór af öryggi í riðlakeppnina. 

Dregið verður í riðla á morgun. Fylgst var með gangi mála í beinni textalýsingu á mbl.is. 

Liverpool	4:2	Hoffenheim	Opna lýsingu Loka
90. mín. Benjamin Hübner (Hoffenheim) fær gult spjald
Augnablik — sæki gögn...

• Blogga um frétt